طريقه شراء الايباد2 من بريطانيا

طبعا اليوم تاريخ 3\11 اليوم المنتظر بالنسبه للامريكان لشرائهم الايباد 2 وبالعافيه عليهم اما الدول الباجيه سيبدأ البيع في تاريخ 3\25 مثل بريطانيا ,كندا,اليابان……الخ طبعا احنا مانبي ننطر لانه الكويتي مايحب ينطر لووول ومانبي الشركات الالكترونيه اللي بالكويت تنصب علينا واتنزل الايباد بسعر خيالي ومبالغ فيه وفي هاذا الوقت صار عندنا وعي من ناحيه المبلغ الحقيقي لمنتجات ابل ففكرت انا اني اسوي بوست لكم واعلمكم اشلون تطلبون الايباد او اي منتج من ابل عن طريق ابل ستور الامريكي وراح اعلمكم اشلون:

1-تبطلون صندوق بريد بريطاني-امريكي من ارامكس

2-وين فرع ارامكس بالكويت وراح اختار فرعهم الرئيسي في الري(العارضيه الصناعيه) عن طريق غوغل ماب

3-اسعار ارامكس بالنسبه للوزن

4-شلون تطلب عن طريق ابل ستور البريطاني

التعليق:هالشي وايد راح يوفر عليكم مبالغ كبيره لان ماراح تطلب بس ايباد2 راح تطلب كلمره من ابل متى ما نزلت منتج يديد وطبعا وايد منكم راح يقول ليش مو من الستور الامريكي لان ابل ماترضى ادز منتجاتها حق شركات اعاده الشحن مثل ارامكس ودي اتش ال مع ان واحد من ربعي طلب مرتين اول مره ارفضوه بعد شهر طلب بعدمره ورضوا ؟؟؟؟ فمادري شسالفتهم وغير ان الحين في ايباد من شركتين فرايزن و AT&T اذا تبي تطلب من امريكا اطلب مال AT&T لانه تقنيه الاتصالات مالته GSM وهاذا اللي متوافر عندنا اهني والخليج واكرر ان وايد ناس طلبو من الستور الامريكي بس مانجحوا بسبب سياسه ابل الغريبه الاطوار وطبعا الايباد مو مقفول من اي موديلاته فهاذا خبر حلو.

ملاحظه:ابل تعطي كفاله سنه حق كل منتجاته المباعه من محلاتهم لكن بالكويت مافي فرع رسمي لشركه ابل فامافي كفاله عشان ابرأ ذمتي امام ربي

فالحين بحط تصويت على رايكم في هاذا النوع من البوست هلتبوني احطه ولا لاء واذا طلعت نسبه التصويت نعم راح احطه  تاريخ 29\3 وشكرا.

Angry Birds……..in my car

اللي يحوش سيارتي قصف على طوووول لوووووول

شرائي لدوراسيل باور هاوس(بطاريه محموله)

طبعا مثل ماتعرفون ان شحن التلفونات والراوترات الصغيره ببطاريات مشابهه للتلفون المجمول عله على قلب كل واحد فانا حبيت احل هاذي المشكله فدورت بالانترنت ولقيت هاذه البطاريه المحموله على امازون فقلت لازم اشتريلي واحد وطلبته وكلفني 48$ اي حوالي 13 دينار والحمدلله وصل اليوم واستلمته من ارامكس

طبعا طلبته الاثنين اللي طاف وتوه استلمته مواصفاته انه يشحن ايبود كلاسيك وابود نانو(القديم) 4مرات ايفون ثري جي اس وفور وبلاك بيري 1,2 مره

وهاذا حجمه في اليد ومعاه كيبل يو اس بي- ميني يو اس بي

وهاذا مدخل ميني يو اس بي ومعه وصله ميني يو اس بي مدمجه في البطاريه

ومدخل بو اس بي

وهذه طريقه الشحن الايفون والراوتر في وقت واحد ^_^ بالهنا والشفا يا اجهزتي

اذا تبي واحد=========>اضغط هنا