طريقه شراء الايباد2 من بريطانيا

Posted: مارس 11, 2011 in General, Internet, purchases
الوسوم:,

طبعا اليوم تاريخ 3\11 اليوم المنتظر بالنسبه للامريكان لشرائهم الايباد 2 وبالعافيه عليهم اما الدول الباجيه سيبدأ البيع في تاريخ 3\25 مثل بريطانيا ,كندا,اليابان……الخ طبعا احنا مانبي ننطر لانه الكويتي مايحب ينطر لووول ومانبي الشركات الالكترونيه اللي بالكويت تنصب علينا واتنزل الايباد بسعر خيالي ومبالغ فيه وفي هاذا الوقت صار عندنا وعي من ناحيه المبلغ الحقيقي لمنتجات ابل ففكرت انا اني اسوي بوست لكم واعلمكم اشلون تطلبون الايباد او اي منتج من ابل عن طريق ابل ستور الامريكي وراح اعلمكم اشلون:

1-تبطلون صندوق بريد بريطاني-امريكي من ارامكس

2-وين فرع ارامكس بالكويت وراح اختار فرعهم الرئيسي في الري(العارضيه الصناعيه) عن طريق غوغل ماب

3-اسعار ارامكس بالنسبه للوزن

4-شلون تطلب عن طريق ابل ستور البريطاني

التعليق:هالشي وايد راح يوفر عليكم مبالغ كبيره لان ماراح تطلب بس ايباد2 راح تطلب كلمره من ابل متى ما نزلت منتج يديد وطبعا وايد منكم راح يقول ليش مو من الستور الامريكي لان ابل ماترضى ادز منتجاتها حق شركات اعاده الشحن مثل ارامكس ودي اتش ال مع ان واحد من ربعي طلب مرتين اول مره ارفضوه بعد شهر طلب بعدمره ورضوا ؟؟؟؟ فمادري شسالفتهم وغير ان الحين في ايباد من شركتين فرايزن و AT&T اذا تبي تطلب من امريكا اطلب مال AT&T لانه تقنيه الاتصالات مالته GSM وهاذا اللي متوافر عندنا اهني والخليج واكرر ان وايد ناس طلبو من الستور الامريكي بس مانجحوا بسبب سياسه ابل الغريبه الاطوار وطبعا الايباد مو مقفول من اي موديلاته فهاذا خبر حلو.

ملاحظه:ابل تعطي كفاله سنه حق كل منتجاته المباعه من محلاتهم لكن بالكويت مافي فرع رسمي لشركه ابل فامافي كفاله عشان ابرأ ذمتي امام ربي

فالحين بحط تصويت على رايكم في هاذا النوع من البوست هلتبوني احطه ولا لاء واذا طلعت نسبه التصويت نعم راح احطه  تاريخ 29\3 وشكرا.

تعليقات
  1. Silly قال:

    يا استاذ معلوماتك كلها صحيحه و ١٠٠٪ بس في شي غلط مع احترامي لك
    الاي باد ٣ جي مفقول هالسنة بامريكا لكن بباجي الدول للحين مابين

    بامريكا مقفول ال ٣ جي علي الشركتين اللي قلت عنهم فيرايزون واي تي اند تي واذا حاب تتأكد من المعلوومة دش الموقع واقرا عدل
    http://www.apple.com/ipad
    او
    http://store.apple.com/us/browse/home/shop_ipad/family/ipad/select?mco=MjE0OTI0MDI
    مكتوب فقرة صغيرة عن الثري جي
    The iPad you choose is configured to work only with one carrier.

    الظاهر فاتتك هالفقرة

    • bo3wathq8 قال:

      قواك الله بن عمي الصراحه جذي يثبت انه الواحد لمن يزورني يقرا كل الموضوع مو يختصر ويروح للصور لووول
      عالعموم انت فهمت الموضوع غلط انت قلت”
      The iPad you choose is configured to work only with one carrier”
      معناته ان ان الايباد مايشتغل الا على ناقل شركه واحد بمعنى ان فيرايزن تشتغل على تغطيه CDMA
      اما AT&T تشتغل على GSM اللي اهيه تغطيه دول الخليج وانا ذكرته بالموضوع بس الظاهر طافك
      معناته اذا شريت مال فيرازن ماراح يشتعل من الناقل CDMA اي التقنيه المستخدمه مو متوافقه مع تقنيه الGSM في الخليج اي مو مقفول لانه الايباد مو تلفون عرفت شلون وهاذا ولو كتب LOCKED اهني مقفول بس اهوه كتب CONFIGURED اي معد لناقل واحدالمصدر وهاذا مصدر ثانيوهاذا مصدر ثالث
      واكبر دليل مع ايباد 1 لمن كان بس AT&T واحد من ربعي يابه من امريكا 3جي واشتغل معاه بالكويت غير وايد ناس شروه من امريكا واشتغل على شبكتنا الGSM
      عشان جذي انا كتبت اشتر من البريطاني اضمنلك صج اغلى بس اضمن وارخص من الكويت وهم اكرر انصحك تشتري من بريطانيا
      وشاكر لك مرورك واتمنى انه وضحت الامور لك واستفدت اكثر وانا ابأي خدمه لك موجود ^_^

  2. xyounasx قال:

    علمنا بوعوض التجار نشفو جيوبنا

  3. حمود قال:

    لوسمحتو ابغى اسعار الايباد2
    انا في امريكى وش الارخص الي في امريكى ولا بريطانيا

أضف تعليقاً

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s